TAARIFA KWA UMMA KUHUSU MTIHANI WA TAIFA WA KIDATO CHA NNE 2013/14

JAMHURI YA MUUNGANO WA TANZANIA

WIZARA YA ELIMU NA MAFUNZO YA UFUNDI

TAARIFA KWA UMMA KUHUSU MTIHANI WA TAIFA WA KIDATO CHA NNE

NA MTIHANI WA MAARIFA NOVEMBA, 2013 NA UPANGAJI WA ALAMA ZA

MATOKEO YA KIDATO CHA NNE NA KIDATO CHA SITA (GRADE RANGES)

UTANGULIZI

Ndugu Wanahabari,

Taarifa hii inahusu kuanza kufanyika Mtihani wa Kidato cha Nne na Mtihani wa Maarifa mwaka 2013; pamoja na kufafanua kuhusuutaratibu wa upangaji wa alama za matokeo ya Mtihaniwa kidato cha Nne na Kidato cha Sita (GradeRanges).

A. Mtihani wa Kidato cha Nne na Mtihani wa Maarifa Novemba,2013

Mtihani wa Kidato cha Nnena Mtihani wa Maarifa mwaka 2013 unatarajiwa kufanyika nchini kote kwa muda wa takribani siku 18 kuanzia tarehe 04-21 Novemba, 2013. Mitihani hiyo imetanguliwa na mitihani ya vitendo ya somo la ‘Food and Nutrition’ iliyofanyika tarehe 7- 24 Oktoba, 2013.

Takwimu za Watahiniwa:

Jumla ya watahiniwa walioandikishwa kufanya mtihani ni427,906 ambapokati yao 367,399 ni watahiniwa wa shule na 60,507 ni watahiniwa wa Kujitegemea. Aidha waliojiandikisha kufanya mtihani wa Maarifa ni 18,214. Idadi hiyo ya watahiniwa wote walioandikishwa mwaka 2013 ni pungufuya watahiniwa53,508 sawa na asilimia 11.1 ikilinganishwa na watahiniwa 481,414 walioandikishwa kufanya mtihani huo mwaka 2012. Watahaniwa wote walioandikishwa kufanya mtihani mwaka 2013

wamegawanyika katika makundi matatu kama ifuatavyo:-

Watahiniwa wa shule (School Candidates):

Kati ya watahiniwa wa shule 367,399 walioandikishwa, wavulana ni 198,257 sawa na asilimia 53.96 na wasichana 169,142 sawa na asilimia 46.04. Watahiniwa hao wa shule wa mwaka 2013 ni pungufu ya Watahiniwa 15,195 sawa na asilimia 3.68 ikilinganishwa na watahiniwa wa shule 412, 594 wa mwaka 2012. Aidha, kati ya watahiniwa hao, watahiniwa 39 ni wasioona na watahiniwa 305 ni wenye uono ambao huhitaji maandishi

makubwa.

Watahiniwa wa Kujitegemea (Private Candidates):

Kati ya watahiniwa wa kujitegemea 60,507 walioandikishwa wanaume ni 30,456 sawa na asilimia 50.33 na wanawake 30,051 sawa na asilimia 49.67. Watahiniwa wa Kujitegenea walioandikishwa mwaka 2013 ni pungufu ya Watahiniwa 8,313 sawa na upungufu wa asilimia 12.1 ikilinganishwa na watahiniwa 68,820 walioandikishwa  mwaka 2012.

Mtihani wa Maarifa (Qualifying Test):

Jumla ya watahiniwa wa Mtihani wa Maarifa walioandikishwa ni 18,214 wakiwemo wanaume 7,222 sawa na asilimia 39.65 na wanawake 10,992 sawa na asilimia 60.35. Aidha, kati ya watahiniwa hao 01ni mtahiniwa asiyeona.

Watahiniwa wa Maarifa walioandikishwa mwaka 2013 ni pungufu ya watahiniwa 3,100 sawa na upungufu wa asilimia 14.5 ikilinganishwa na watahiniwa 21,314 walioandikishwa mwaka 2012. Watahiniwa wote wameandikishwa katika shule/vituo vilivyotawanyika katika Mikoa mbalimbali nchini kama ifuatavyo:-

Jumla ya shule 4,365 zina Watahiniwa wa Shule (School Candidates).

Watahiniwa wa Kujitegemea (Private candidates) wameandikishwa katika vituo 923; na Watahiniwa wa Maarifa (Qualifying Test) wameandikishwa katika vituo 636.

Hadi sasa maandalizi na usafirishaji wa mitihani hiyo hadi ngazi ya mkoa yamekamilika.

Aidha mikoa inaendelea na taratibu za kuhakikisha kuwa kila kituo kinapata mitihani yake kwa muda uliopangwa kwa kuzingatia taratibu na maelekezo ya Baraza la Mitihani la Tanzania.

Imetolewa,

KATIBU MKUU

WIZARA YA ELIMU NA MAFUNZO YA UFUNDI